Back Q. ENNII
    ANNALIUM FRAGMENTA

Based on the edition by E.H.Warmington (1935).   Click on the E symbols to go to an English translation of the verses.


I - II - III - IV - V - VI - VII - VIII - IX - X - XI - XII - XIII - XIV - XV - XVI - XVII - XVIII - ??



LIBER I

[1]   E
Musae quae pedibus magnum pulsatis Olympum

[2-3]   E
Nam populos . . .
  . . . Italos res atque poemata nosta cluebunt.

[4]   E
  . . . somno leni placidoque revinctus

[5]   E
  . . . visus Homerus adesse poeta

[6]   E
O pietas animi!

[7-10]   E
Ova parire solet genus pennis condecoratum
non animam,
  . . . et post inde venit divinitus pullis
ipsa anima

[11-12]   E
  . . . terraque corpus
quae dedit ipsa capit neque dispendi fact hilum.

[13]   E
  . . . memini me fiere pavum

[14]   E
Lunai portum, est operae, cognoscite, cives.

[15]   E
quom veter occubuit Priamus sub Marte Pelasgo,

[16-17]   E
Assaraco natus Capys optimus isque pium ex se
Anchisen generat.

[18-19]   E
Doctusque Anchisa, Venus quem pulcherruma dium
fari donavit, divinum pectus habere.

[20]   E
transnavit cita per teneras caliginis auras

[21]   E
Constitit inde loci propter sos dia dearum

[22-23]   E
  . . . face vero
quod tecum precibus pater orat.

[24]   E
Est locus, Hesperiam quam mortales perhibebant.

[25]   E
quam prisci casci populi tenuere Latini

[26]   E
  . . . Saturnia terra

[27-28]   E
  . . . Saturno
quem Caelus genuit

[29]   E
quom saevo obsidio magnus Titanus premebat

[30]   E
quos homines quondam Laurentis terra recepit

[31]   E
Olli respondit rex Albai Longai

[32-48]   E
Excita cum tremulis anus attulit artubus lumen,
talia commemorat lacrimans, exterrita somno:
'Eurudica prognata pater quam noster amavit,
vires vitaque corpus meum nunc deserit omne.
Nam me visus homo pulcher per amoena salicta
et ripas raptare locosque novos: ita sola
postilla germana soror, errare videbar
tardaque vestigare et quaerere te, neque posse
corde capessere: semita nulla pedem stabilibat.
Exin compellare pater me voce videtur
his verbis: "o gnata, tibi sunt ante ferendae
aerumnae, post ex fluvio fortuna resistet."
Haec ecfatus pater, germana, repente recessit
nec sese dedit in conspectum corde cupitus,
quamquam multa manus ad caeli caerula templa
tendebam lacrumans et blanda voce vocabam.
Vix aegro cum corde meo me somnus reliquit.'

[49-50]   E
Te nunc sancta precor Venus, te genetrix patris nostri
ut me de caelo visas cognata parumper,

[51]   E
Teque pater Tiberine tuo cum flumine sancto

[52]   E
Ilia dia nepos, quas aerumnas tetulisti

[53-4]   E
  . . . cetera quos peperisti
ne cures

[55]   E
Haec ecfatus, ibique latrones dicta facessunt

[56]   E
  . . . at Ilia reddita nuptum

[57]   E
  . . . cenacula maxima caeli

[58]   E
bipatentibus

[59]   E
qui caelum versat stellis fulgentibus aptum

[60-61]   E
Iuno Vesta Minerva Ceres Diana Venus Mars
Mercurius Iovis Neptunus Vulcanus Apollo

[62]   E
Respondit Iuno Saturnia sancta dearum

[63-4]   E
Unus erit quem tu tolles in caerula caeli
templa.

[65]   E
  . . . destituunt rivos camposque remanant

[66-9]   E
  . . . loca claudi
  . . . factum est . . . {Tiberis}
  . . . postquam
constituit sese flavius qui est omnibus princeps
  . . . cui succidit Ilia

[70]   E
fici dulciferae lactantes ubere toto

[71]   E
  . . . lupus femina feta repente

[72-4]   E
Indotuetur ibi lupus femina, conspicit omnis:
hinc campum celeri passu permensa parumper
coniicit in silvam sese.

[75-6]   E
  . . . pars ludicre saxa
iactant, inter se licitantur

[77]   E
Occiduntur ubi potitur ratus Romulus praedam

[78]   E
Accipe daque fidem foedusque feri bene firmum

[79]   E
quom superum lumen nox intempesta teneret

[80-100]   E
Curantes magna cum cura tum cupientes
regni dant operam simul auspicio augurioque.
. . . [in monte] . . .
. . . Remus auspicio se devovet atque secundam
solus avem servat. At Romulus pulcher in alto
quaerit Aventino, servat genus altivolantum.
Certabant urbem Romam Remoramne vocarent.
Omnibus cura viris uter esset induperator.
expectant vel uti, consul cum mittere signum
volt, omnes avidi spectant ad carceris oras,
quam mox emittat pictis e faucibus currus:
sic expectabat populus atque ora tenebat
rebus, utri magni victoria sit data regni.
Interea sol albus recessit in infera noctis.
Exin candida se radiis dedit icta foras lux;
et simul ex alto longe pulcherruma praepes
laeva volavit avis: simul aureus exoritur sol.
Cedunt de caelo ter quattor corpora sancta
avium, praepetibus sese pulchrisque locis dant.
Conspicit inde sibi data Romulus esse priora,
auspicio regni stabilita scamna locumque.

[101]   E
Iuppiter, ut muro fretus magis quamde manus vi!

[102-3]   E
Nec pol homo quisquam faciet inpune animatus
hoc nec tu; nam mi calido dabis sanguine poenas.

[104]   E
Ast hic quem nunc tu tam torviter increpuisti

[105]   E
Astu non vi sum summam servare decet rem

[106]   E
nam vi depugnare sues stolidi soliti sunt

[107]   E
conque fricati oleo lentati adque arma parati

[108]   E
[virgines;] nam sibi quisque domi Romanus habet sas

[109]   E
O Tite, tute, Tati, tibi tanta, tyranne, tulisti!

[110]   E
Aeternum seritote diem concorditer ambo

[111]   E
Nerienem Mavortis et Herem

[112-3] E
quod mihi reique fidei regno vobisque, quirites,
se fortunatim feliciter ac bene vortat.

[114-5] E
Romulus in caelo cum dis genitalibus aevum
degit.

[116]   E
Teque quirine pater veneror Horamque quirini


LIBER II

[117-121]   E
. . . simul inter
sese sic memorant, 'O Romule, Romule die,
qualem te patriae custodem di genuerunt!
O pater o genitor o sanguen dis oriundum!
Tu produxisti nos intra luminis oras.

[122]   E
Et simul effugit speres ita funditus nostras . . .

[123]   E
Et qui se sperat Romae regnare quadratae?

[124]   E
Olli respondit suavis sonus Egeriai

[125-6]   E
Mensas constituit idemque ancilia
. . . libaque, fictores, Argeos, et tutulatos

[127-9]   E
Volturnalem Palatualem Furinalem
Floralemque Falacrem et Pomonalem fecit
hic idem

[130]   E
Si quid me fuerit humanitus, ut teneatis

[131]   E
Ingens cura mis cum concordibus aequiperare

[132]   E
Hic occasus datus est: at Horatius inclutus saltu . . .

[133]   E
Adnuit sese mecum decernere ferro

[134]   E
ferro se caedi quam dictis his toleraret

[135]   E
quamde tuas omnes legiones ac populares

[136]   E
At sese, sum quae dederat in luminis oras,

[137]   E
qui ferro minitere atque in te ningulus . . .

[138]   E
Haec inter se totum egere diem tuditantes

[139]   E
. . . Mettoeoque Fufetioeo

[140]   E
tractatus per aequora campi

[141-2]   E
Volturus in silvis miserum mandebat homonem.
Heu! quam crudeli condebat membra sepulcro!

[143]   E
At tuba terribili sonitu taratantara dixit

[144]   E
isque dies postquam Ancus Marcius regna recepit

[145]   E
et Tiberis flumen vomit in mare salsum

[146-7]   E
Ostia munita est: idem loca navibus celsis
munda facit nautisque mari quaesentibus vitam

[148]   E
Isdem campus habet textrinum navibus longis

[149]   E
. . . i caerula prata

LIBER III

[150]   E
Olim de caelo laevum dedit inclutus signum

[151-2]   E
et densis aquila pennis obnixa volabat
vento quem perhibent Graium genus aera lingua

[153]   E
. . . ab laeva rite probatum

[154]   E
Postquam lumina sis oculis bonus Ancus reliquit

[155]   E
Tarquinio dedit imperium simul et sola regni

[156]   E
Circum sos quae sunt magnae gentes opulentae

[157]   E
Exin Tarquinium bona femina lavit et unxit

[158]   E
Prodinunt famuli: tum candida lumina lucent

[159]   E
Hac noctu filo pendebit Etruria tota

[160-61]   E
Postquam defessi sunt stare et spargere sese
hastis ansatis, concurrunt undique telis

[162]   E
Caelum prospexit stellis fulgentibus aptum

[163]   E
Inde sibi memorat unum superesse laborem

LIBER IV

[164]   E
Romani scalis summa nituntur opum vi

[165]   E
. . . Volsculus perdidit Anxur

[166]   E
nonis Iunis soli luna obstitit et nox

LIBER V

[167]   E
Inicit inritatus: tenet occasus, iuvat res

[168]   E
ansatas mittunt de turribus

[169]   E
Cogebant hostes lacrumantes ut misererent

[170]   E
Bellum aequis manibus nox intempesta diremit

[171]   E
quod per amoenam urbem leni fluit agmine flumen

[172]   E
nomine Burrus uti memorant a stirpe supremo

LIBER VI

[173]   E
quis potis ingentis oras evolvere belli?

[174-6]   E
Aio te Aeacida Romanos vincere posse.
. . . stolidum genus Aeacidarum
bellipotentes sunt magis quam sapientipotentes

[177]   E
et melior navis quam quae stlataria portat

[178]   E
Navus repertus homo, Graio patre Graius homo, rex

[179]   E
Intus in occulto mussabat

[180]   E
Balantum pecudes quatit; omnes arma requirunt

[181-5]   E
Incedunt arbusta per alta, securibus caedunt.
Percellunt magnas quercus, exciditur ilex,
fraxinus frangitur atque abies consternitur alta,
pinus proceras pervortunt; omne sonabat
arbustum fremitu silvai frondosai.

[186-93]   E
Nec mi aurum posco nec mi pretium dederitis
nec cauponantes bellum sed belligerantes,
ferro non auro vitam cernamus utrique;
vosne velit an me regnare, era quidve ferat Fors,
virtute experiamur. Et hoc simul accipe dictum:
quorum virtuti belli fortuna pepercit,
eorundem libertati me parcere certum est.
Dono, ducite, doque volentibus cum magnis dis.

[194-5]   E
quo vobis mentes rectae quae stare solebant
ante hac, dementes sese flexere viai?

[196]   E
Sed, quid ego hic animo lamentor?

[197]   E
Orator sine pace redit regique refert rem

[198-9]   E
aut animo superant atque aspera prima . . .
. . . fera belli spernunt . . .

[200-2]   E
. . . Divi hoc audite parumper:
ut pro Romano populo prognariter armis
certando prudens animam de corpore mitto.

[203]   E
Iumen[ta . . . ] scitus agaso

[204]   E
Explorant Numidae, totam quatit ungula terram

[205]   E
Vertitur interea caelum cum ingentibus signis

[206]   E
Ut primum tenebris abiectis indalbabat

[207-8] E
Tum cum corde suo divum pater atque hominum rex
effatur

[209]   E
quem nemo ferro potuit superare nec auro

LIBER VII

[210-27]   E
Haece locutus vocat quocum bene saepe libenter
mensam sermonesque suos rerumque suarum
comiter impertit, magnam cum lassus diei
partem fuisset de summis rebus regundis,
consilio indu foro lato sanctoque senatu;
cui res audacter magnas parvasque iocumque
eloqueretur sed cura, malaque et bona dictu
evomeret si qui vellet tutoque locaret;
quocum multa volup ac gaudia clamque palamque,
ingenium cui nulla malum sententia suadet
ut faceret facinus levis aut malus; doctus fidelis
suavis homo facundus, suo contentus, beatus,
scitus, secunda loquens in tempore, commodus verbum
paucum, multa tenens antiqua, sepulta vetustas
quae facit, et mores veteresque novosque, tenens res
multorum veterum, leges divumque hominumque,
prudenter qui dicta loquive tacereve posset.
Hunc inter pugnas Servilius sic compellat.

[228]   E
quianam dictis nostris sententia flexa est?

[229-30]   E
nec quisquam sophiam sapientia quae perhibetur
in somnis vidit prius quam sam discere coepit

[231-2]   E
. . . scripsere alii rem
versibus

[232-4]   E
. . . quos olim Fauni vatesque canebant,
quom neque Musarum scopulos . . .
. . . nec dicti studiosus quisquam erat ante hunc

[235]   E
Nos ausi reserare

[236]   E
. . . Poenos Sarra oriundos

[237]   E
Poeni suos soliti dis sacrificare puellos

[238]   E
Appius indixit Karthaginiensibus bellum

[239-40]   E
. . . longique cupressi
stant rectis foliis et amaro corpore buxum

[241]   E
russescunt frundes

[242-3]   E
. . . Legio aggreditur Romana ruinas;
mox auferre domos, populi rumore secundo

[244]   E
Dum censent terrere minis, hortantur ibi sos

[245-6]   E
Poste recumbite vestraque pectora pellite tonsis
. . .
Pone petunt, exim referunt ad pectora tonsas

[247]   E
Alter nare cupit, alter pugnare paratust

[248]   E
Mulserat huc navim conpulsam fluctibus pontus

[249]   E
Illyrii restant sicis sybinisque fodentes

[250]   E
Deducunt habiles gladios filo gracilento

[251-2]   E
qua Galli furtim noctu summa arcis adorti
moenia concubia vigilesque repente cruentant

[253]   E
Non semper vestra evertit; nunc Iuppiter hac stat

[254]   E
Fortibus est fortuna viris data

[255]   E
Sulphureas posuit spiramina Naris ad undas

[256-7]   E
Denique vi magna quadrupes eques atque elephanti
proiciunt sese

LIBER VIII

[258-9]   E
. . . Postquam Discordia taetra
belli ferratos postes portasque refregit

[260-1]   E
corpore tartarino prognata paluda virago,
cui par imber et ignis spiritus et gravis terra

[262-8]   E
[ proeliis   promulgatis ]
pellitur e medio sapientia, vi geritur res,
spernitur orator bonus, horridus miles amatur;
haud doctis dictis certantes, sed maledictis
miscent inter sese inimicitiam agitantes;
non ex iure manu consertum, sed magis ferro
rem repetunt, regnumque petunt, vadunt solida vi.

[269]   E
. . . Poenos Didone oriundos

[270]   E
tunicatam iuventutem

[271]   E
qualis consiliis quantumque potesset in armis

[272-3]
. . . at non sic duplex fuit hostis
Aeacida Burrus

[274]   E
praecox pugna est

[275]   E
Certare abnueo; metuo legionibus labem

[276-7]   E
Hostem qui feriet mihi erit Karthaginiensis,
quisquis erit; quoiatis siet . . .

[278]   E
amplius exaugere obstipo lumine solis

[279]   E
iamque fere pulvis ad caeli vasta videtur

[280]   E
Densantur campis horrentia tela virorum

[281]   E
Hastati spargunt hastas; fit ferreus imber

[282]   E
His pernas succidit iniqua superbia Poeni

[283]   E
Consequitur; summo sonitu quatit ungula terram

[284-6]   E
Multa dies in bello conficit unus . . .
et rursus multae fortunae forte recumbunt;
haudquaquam quemquam semper fortuna secuta est

[287]   E
quintus pater quartum fit consul

[288]   E
Ob Romam noctu legiones ducere coepit

[289]   E
De muris rem gerit Opscus

[290]   E
Summus ibi capitur meddix, occiditur alter

[291]   E
Tibia Musarum pangit melos

[292]   E
Optima caelicolum, Saturnia, magna dearum

[293]   E
Romanis Iuno coepit placata favere

[294]   E
Nunc hostes vino domiti somnoque sepulti

[295]   E
Ast occasus ubi tempusve audere repressit

[296]   E
Livius inde redit magno mactatus triumpho

[297-9]   E
. . . tonsam ante tenentes
parerent, observarent, portisculus signum
quom dare coepisset

LIBER IX

[300-5]   E
Additur orator Cornelius suaviloquenti
ore, Cethegus Marcus, Tuditano collega,
Marci filius
. . . is dictust ollis popularibus olim,
qui tum vivebant homines atque aevum agitabant,
'Flos delibatus populi suadaeque medulla.'

[306]   E
Africa terribili tremit horrida terra tumultu

[307]   E
Viri validis cum viribus luctant

[308]   E
Pulvis fulva volat

[309]   E
debil homo

[310-11]   E
Cyclopis venter velut olim turserat alte
carnibus humanis distentus

[312]   E
praeda exercitus undat

[313-14]   E
. . . Mortalem summum Fortuna repente
reddidit e summo regno famul ut famul oltimus esset.

[315]   E
Sed quid ego haec memoro? dictum factumque facit frux

[316]   E
. . . Poeni stipendia pendunt

[317]   E
lychnorum lumina bis sex

[318-19]   E
Rastros dentiferos capsit causa poliendi
. . . agri

[320-21]   E
libertatemque, ut perpetuassit
quaeque axim

LIBER X

[322-3]   E
Insece Musa manu Romanorum induperator
quod quisque in bello gessit cum rege Philippo.

[324]   E
Leucatan campsant

[325]   E
Graecia Sulpicio sorti data, Gallia Cottae

[326]   E
Egregie cordatus homo, catus Aelius Sextus

[327-9]   E
O Tite si quid ego adiuvero curamve levasso,
quae nunc te coquit et versat in pectore fixa,
ecquid erit praemi ?

[330-1]   E
Ille vir haud magna cum re, set plenus fidei,
. . .
sollicitari te Tite sic noctesque diesque

[332]   E
Hinc nox processit stellis ardentibus apta

[333-5]   E
Aspectabat virtutem legionis suai,
expectans si mussaret quae denique pausa
pugnandi fieret aut duri finis laboris.

[336]   E
. . . horitatur . . . induperator

[337-8]   E
Insignita fere tum milia militum octo
duxit delectos, bellum tolerare potentes

[339-41]   E
Veluti si quando vinclis venatica velox
apta solet si forte ex nare sagaci
sensit, voce sua nictit ululatque ibi acute

[342]   E
pinsunt terram genibus

[343-4]   E
Aegro corde (?) comis
. . . passis late palmis pater

[345]   E
Regni versatam iam summovere columnam

LIBER XI

[346]   E
quippe solent reges omnes in rebus secundis

[347-8]   E
Contendunt Graecos, Graios memorare solent sos
. . . lingua longos per (?) . . .

[349-50]   E
quae neque Dardaniis campis potuere perire,
nec cum capta capi, nec cum combusta cremari.

[351]   E
alte delata petrisque ingentibus tecta

[352]   E
et simul erubuit ceu lacte et purpura mixta

[353]   E
pendent peniculamenta unum ad quemque pediclum

[354-5]   E
'malo cruce,' fatur, 'uti des,
Iuppiter!'

[356]   E
Tum clipei resonunt et ferri stridit acumen

[357]   E
missaque per pectus dum transit striderat hasta

[358]   E
Hispane non Romane memoretis loqui me

[359]   E
<rimantur> utrique

LIBER XII

[360-2]   E
Unus homo nobis cunctando restituit rem.
Noenum rumores ponebat ante salutem;
ergo postque magisque viri nunc gloria claret.

[363-5]   E
Omnes mortales victores, cordibus imis
laetantes, vino curatos somnus repente
in campo passim mollissimus perculit acris

LIBER XIII

[366-8]   E
Hannibal audaci cum pectore de me hortatur
ne bellum faciam, quem credidit esse meum cor
suasorem summum et studiosum robore belli

[369]   E
Isque Hellesponto pontem contendit in alto

[370]   E
satin vates verant aetate in agunda?

[371]   E
Matronae moeros complent spectare faventes

LIBER XIV

[372-3]   E
Verrunt extemplo placidum mare marmore flavo;
caeruleum spumat sale conferta rate pulsum

[374]   E
Labitur uncta carina, volat super impetus undas

[375-6]   E
quom procul aspiciunt hostes accedere ventis
navibus velivolis

[377]   E
Litora lata sonunt

[378-9]   E
Nunc est ille dies quom gloria maxima sese
nobis ostendat, si vivimus sive morimur.

[380]   E
Horrescit telis exercitus asper utrimque

[381-2]   E
Infit: 'O cives, quae me fortuna fero sic
contudit indignum bello confecit acerbo!'

[383]   E
Omnes occisi, obcensique in nocte serena

LIBER XV

[384]   E
Malos defindunt, fiunt tabulata falaeque

[385-6]   E
Occumbunt multi letum ferroque lapique
aut intra muros aut extra praecipe casu

[387]   E
Arcus subspiciunt mortalibus quae perhibentur

[388-9]   E
Sicuti fortis equus spatio qui saepe supremo
vicit Olympia, nunc senio confectus quiescit

LIBER XVI

[390]   E
quippe vetusta virum non est satis bella moveri?

[391]   E
post aetate pigret sufferre laborem

[392]   E
postremo longinqua dies confecerit aetas . . .

[393-4]   E
Reges per regnum statuasque sepulcraque quaerunt;
aedificant nomen, summa nituntur opum vi

[395]   E
Aestatem autumnus sequitur, post acer hiems it

[396]   E
Primus senex bradys in regimen belloque peritus

[397]   E
quos ubi rex Epulo spexit de cautibus celsis

[398]   E
montibus obstipis obstantibus, unde oritur nox

[399]   E
Si luci si nox si mox si iam data sit frux

[400]   E
Nox quando mediis signis praecincta volabit

[401-2]   E
. . . interea fax
occidit Oceanumque rubra tractim obruit aethra

[403-4]   E
Hic insidiantes vigilant, partim requiescunt
contecti gladiis, sub scutis ore faventes

[405]   E
Navorum imperium servare est induperantum

[406]   E
quo res sapsa loco sese ostentatque iubetque

[407]   E
Spero, si speres quicquam prodesse potis sunt,

[408]   E
Non in sperando cupide rem prodere summam

[409-16]   E
Undique conveniunt vel ut imber tela tribuno:
configunt parmam, tinnit hastilibus umbo
aerato sonitu galeae: sed nec pote quisquam
undique nitendo corpus discerpere ferro.
semper obundantes hastas frangitque quatitque:
totum sudor habet corpus multumque laborat,
nec respirandi fit copia: praepete ferro
Histri tela manu iacientes sollicitabant.

[417]   E
concidit et sonitum simul insuper arma dederunt

[418]   E
. . . prandere iubet horiturque

[419-20]
. . . Rex deinde citatus
convellit sese

[421]   E
Clamor ad caelum volvendus per aethera vagit

[422]   E
qui clamos oppugnantes vagore volanti

[423]   E
Ingenio forti dextrum latus pertudit hasta

[424]   E
Tunc timido manat ex omni corpore sudor

[425-6]   E
tamen induvolans secum abstulit hasta
insigne

LIBER XVII

[427]   E
Tum cava sub monte late specus intus patebat

[428]   E
. . . dux ipse vias

[429]   E
It eques et plausu cava concutit ungula terram

[430-32]   E
Concurrunt veluti venti quom spiritus Austri
imbricitor Aquiloque suo cum flamine contra
indu mari magno fluctus extollere certant.

[433]   E
Tollitur in caelum clamor exortus utrimque

[434-5]   E
Noenu decet mussare bonos qui facta labore
nixi militiae peperere

[436-8]   E
. . . neque corpora firma
longiscunt quicquam . . .
quom soles eadem facient longiscere longe

LIBER XVIII

[439]   E
degrumare forum

[440]   E
aere fulva

EX LIBRO VIII AUT IX ?

[441]   E
hortatore bono prius quam iam finibus termo

[442]   E
Labitur uncta carina per aequora cana celocis

[443-4]
. . . quom a carcere fusi
currus cum sonitu magno permittere certant

[445]   E
quomque gubernator magna contorsit equos vi

[446]   E
Impetus haud longe mediis regionibus restat

[447]   E
Ingenti vadit cursu qua redditus termo est

EX ALIIS ANNALIUM INCERTIS LIBRIS

[448]   E
patrem divumque hominumque

[449]   E
divumque hominumque pater, rex

[450-51]   E
Iuppiter hic risit tempestatesque serenae
riserunt omnes risu Iovis omnipotentis

[452-3]   E
. . . qui fulmine claro
omnia per sonitus arcet <terram mare caelum>

[454]   E
Tum tonuit laevum bene tempestate serena

[455]   E
Exin per terras postquam celerissimus rumor

[456]   E
Olli cernebant magnis de rebus agentes

[457]   E
Effudit voces proprio cum pectore sancto

[458-9]   E
. . . tibi vita
seu mors in mundo est

[460]   E
dictis Romanis incutit iram

[461]   E
Ausus es hoc ex ore tuo . . . ?

[462]   E
Quis pater aut cognatus volet nos contra tueri?

[463]   E
Aversabuntur semper vos vostraque vulta

[464-6]   E
animus quom pectore latrat
. . . clamore bovantes
. . . pausam fecere fremendi

[467]   E
Moribus antiquis res stat Romana virisque

[468-9]   E
Septingenti sunt, paulo plus aut minus, anni
augusto augurio postquam incluta condita Roma est

[470]   E
Fortes Romani sunt quamquam caelus profundus

[471-2]   E
Audire est operae pretium procedere recte
qui rem Romanam Latiumque augescere vultis

[473]   E
quem non virtutis egentem

[474]   E
quom nihil horridius umquam lex ulla iuberet

[475]   E
nobis unde forent fructus vitaeque propagmen

[476]   E
Hos pestis necuit, pars occidit illa duellis

[477]   E
Cum legionibus quom proficiscitur induperator

[478]   E
Nec metus ulla tenet; freti virtute quiescunt

[479]   E
Pandite sultis genas et corde relinquite somnum

[480]   E
quom sese exsiccat somno Romana iuventus

[481-2]   E
. . . fortunasque suas coepere latrones
inter se memorare

[483]   E
tergus igitur sagus pinguis opertat

[484]   E
. . . unus Surus surum
ferre . . . tamen defendere posset

[485]   E
Qui vincit non est victor nisi victus fatetur

[486]   E
Dum quidem unus homo Romanus toga superescit

[487]   E
Iam cata signa fere sonitum dare voce parabant

[488]   E
Inde loci lituus sonitus effudit acutos

[489]   E
Optima cum pulcris animis Romana iuventus

[490]   E
Succincti gladiis, media regione cracentes

[491]   E
succincti corda machaeris

[492]   E
levesque sequuntur in hastis

[493]   E
Incedit veles volgo sicilibus latis

[494]   E
.. . . quae valide veniunt; falarica missa

[495]   E
Pila retunduntur venientibus obvia pilis

[496]   E
teloque trabali

[497]   E
runata recedit

[498]   E
spiras legionibus nexit

[499-500]   E
Quomque caput caderet carmen tuba sola peregit
et pereunte viro raucum sonus aere cucurrit

[501-2]   E
Oscitat in campis caput a cervice revulsum
semianimesque micant oculi lucemque requirunt

[503]   E
stant pulvere campi

[504-5]   E
. . . nam me gravis impetus Orci
percutit in latus

[506]   E
Euax! Aquast aspersa Latinis

[507-8]   E
. . . <hic> pede pes premitur armisque teruntur
arma . . . <viro vir>

[509]   E
Hic tum nostri cessere parumper

[510]   E
quo tam temere itis?

[511]   E
Decretum est stare <et fossari> corpora telis

[512]   E
taetros elephantos

[513]   E
It nigrum campis agmen

[514-15]   E
. . . viresque valentes
contudit crudelis hiems

[516]   E
Tanto sublatae sunt agmine tunc lapides

[517-21]   E
Et tu, sicut equos qui de praesepibus fartus
vincla suis magnis animis abrupit et inde
fert sese campi per caerula laetaque prata
celso pectore; saepe iubam quassat simul altam,
spiritus ex anima calida spumas agit albas

[522]   E
It equitatus uti celerissimus

[523]   E
Heia machaeras!

[524]   E
deque totondit agros laetos atque oppida cepit

[525]   E
quianam legiones caedimus ferro?

[526-8]   E
Proletarius publicitus scutisque feroque
ornatur ferro, muros urbemque forumque
excubiis curant

[529]   E
atque atque accedit muros Romana iuventus

[530]   E
aut permarceret paries percussa trifaci

[531]   E
Cum magno strepitu Volcanum ventus vegebat

[532]   E
Flamma loci postquam concussa est turbine saevo

[533]   E
Multa foro ponet et agea longa repletur

[534-5]   E
. . . ratibusque fremebat
imber Neptuni

[536]   E
fluctusque natantes

[537]   E
Haud temere est quod tu tristi cum corde gubernas

[538]   E
dum clavum rectum teneam navemque gubernem

[539]   E
Tonsillas apiunt, configunt litus, aduncas

[540]   E
navibus explebant sese terrasque replebant

[541]   E
atque manu magna Romanos impulit amnis

[542]   E
Brundisium pulcro praecinctum praepete portu

[543]   E
Bruttace bilingui

[544]   E
Inde Parum < . . . ul>ulabant

[545]   E
huic statuam statui maiorum (?) obatus Athenis

[546]   E
Europam Libyamque rapax ubi dividit unda

[547-8]   E
Non si lingua loqui saperet quibus, ora decem sint
innumerum, ferro cor sit pectusque revinctum

[549]   E
Omnes mortales sese laudarier optant

[550]   E
irarum effunde quadrigas

[551]   E
Contempsit fontes quibus exerugit aquae vis

[552]   E
vertunt crateras ahenos

[553]   E
Sicuti si quis ferat vas vini dimidiatum

[554]   E
. . . quom illud 'quo iam semel est imbuta veneno'

[555]   E
sed sola terrarum postquam permensa parumper

[556]   E
iamque fere quattuor partum

[557]   E
vix solum complere cohum terroribus caeli

[558]   E
Inde patefecit radiis rota candida caelum

[559]   E
Interea fugit albus iubar Hyperionis cursum

[560]   E
funduntque elatis naribus lucem

[561]   E
furentibus ventis

[562]   E
vestro sine momine, venti

[563]   E
perque fabam repunt et mollia crura reponunt

[564]   E
terrai frugiferai

[565]   E
Capitibus nutantes pinos rectosque cupressos


Attalus' home page   |   19.11.14   |   Any comments?